Kosova po përballet me probleme serioze mjedisore dhe gjatë viteve të fundit ka miratuar një sërë ligjesh që synojnë ofrimin e një kornize për reforma dhe masa zbatuese që ndihmojnë Kosovën për të ecur drejt standardeve evropiane në sferën e mjedisit.

Raporti i Progresit për Kosovën 2009 ka cekur se “në përgjithësi, Kosova është në një fazë të hershme në përputhshmërinë e saj me standardet evropiane. Ka disa përparime për t’u raportuar në fushën mjedisore; në veçanti sa i përket miratimit të legjislacionit”. Megjithatë, ai gjithashtu ka përmendur aspektet në vijim:

• Nuk ka impiante për trajtimin e ujit
• Vetëm 70% e popullatës janë të kyçur me rrjetet e ujit të pijshëm
• Vetëm një e treta është e kyçur në sistemin e kanalizimit
• Nuk ka pasur përparim në themelimin e autoritetit të pellgjeve të lumenjve
• Nuk ka strategji për cilësinë e ajrit
• Ndërmarrjet e ujit dhe të mbeturinave kanë vështirësi me nivelin e ulët të faturimit dhe inkasimit
• Nuk ka përparim në sektorin e menaxhimit të mbeturinave
• Buxheti i Ministrisë së Mjedisit është më i ulëti nga të gjitha ministritë në Kosovë

Përmbushja e standardeve mjedisore evropiane është një nga fushat më të shtrenjta për vendet kandidate dhe për ato që janë kandidate të mundshme. Pavarësisht nga këto kosto, Kosovarët meritojnë që të përfitojnë nga uji dhe ajri që e arrin të njëjtën cilësi si ajo e vendeve homologe evropiane, si dhe menaxhimin efikas të mbeturinave. Këto standarde nuk janë duke u përmbushur, gjë që shkon në dëm të jetës së shëndetshme dhe cilësore, por gjithashtu paraqet pengesë për bizneset në Kosovë.
“Menaxhimi i ujit, ajrit dhe mbeturinave – çfarë është bërë? “kjo ishte tema e debatit të katërt për Raportin e Progresit për Kosovën. Mediat dhe shoqëria civile u ftuan që të diskutojnë me panelistët:
Z. Mahir Yagcilar, Ministër i Mjedisit dhe Planifikimit Hapësinorë
Z. Kjartan Bjornsson, Udhëheqës i Operacioneve, Zyra Ndërlidhëse e KE-së
Z. Ilir Morina, Udhëheqës i Agjencisë Kosovare për Mbrojtje të Mjedisit dhe
Z. Luan Shllaku, Drejtor i Fondacionit Kosovar për Shoqëri të Hapur (KFOS)


transkriptin