"Raporti i Progresit është një instrument themelor që Kosova të përmbushë aspiratën e saj evropiane. Ai shërben si udhëzim konkret dhe praktik që nevojitet për arritjen e standardeve evropiane që me fjalë të tjera do të thotë standarde më të mira jetese për popullin e Kosovës. Për këtë arsye e mirëpres mbajtjen e këtyre debateve si një mundësi për ta kuptuar më mirë se çfarë nënkupton raporti për të ardhmen e Kosovës. Pres që të ketë diskutime të hapura dhe konstruktive ndërmjet përfaqësuesve të BE-së, autoriteteve të Kosovës, mediave dhe shoqërisë civile, meqë dialogu është bazë për një shoqëri demokratike si dhe për ndryshime të qëndrueshme dhe progres. I ftoj të gjithë të marrin pjesë."